LUNGSOD NG ANTIPOLO

                                        CASIMIRO A. YNARES III, M.D.

CITY’S VISION

“ANTIPOLO: A PILGRIMAGE CITY AT THE CENTER OF THE EASTERN GROWTH CORRIDOR WITH A GLOBALLY COMPETITIVE ECONOMY AND ECOLOGICALLY BALANCED ENVIRONMENT; ACCOUNTABLE, DYNAMIC, PARTICIPATORY & RESULTS ORIENTED GOVERNANCE; EMPOWERED AND GOD CENTERED CITIZENTRY.”

CITY’S MISSION

A Responsive & Dynamic Government Committed to the Attainment of its Vision through:

1. The Creation of an Environment than will encourage Public-Private Partnership in various Development Projects;

2. Strengthening E-Governance Capability and Establishing Local and Global Linkages through Information and Communication Technology;

3. Transparent and Efficient Allocation of Resources towards a Better Delivery of Quality Public Service;

4. People Empowerment, Involvement of Various  Stakeholders in the Formulation, Policy Making & Implementation/ Monitoring of various Development Plans and Programs;

5. Enactment and Implementation of Landmark Legislation Truly Reflective of the Will and Aspiration of the People of Antipolo.

Mga Trivia

• Marami na ang mga palabas kung saan nakita ang Mystical Cave. Kasama na dito ang Juan dela Cruz, Kristala, Panday at Marina. 
• Nanggaling ang pangalang Hinulugang Taktak sa isang alamat. Ang taong- bayan ng Antipolo ay balisa dahil sa di kanais-nais na tunog ng kampana ng simbahan. Dahil sa lakas ng tunog nito nais ng mga tao na alisin ang kampanang iyon. Upang tugunan ang mga reklamong ito, kinuha ito ng isang pari at inihulog sa kalapit na ilog. Dito nanggaling ang salitang “Hinulugang Taktak” na ang ibig sabihin ay inihulog ang kampana. 
• Ang pangalang ANTIPOLO ay nanggaling sa isang puno na ang pangalan ay "TIPOLO" o "BREADFRUIT".

WEBSITE NG ANTIPOLO

http://antipolo.ph/index.html 

FACEBOOK ACCOUNT

https://www.facebook.com/antipolocitygovernment

TWITTER ACCOUNT

https://twitter.com/AntipoloCityGov

PAMBUNGAD NA SALITA

“Kung walang tyaga, walang nilaga” Ito ang naging hamon sa aming grupo sa paggawa ng proyekto sa Filipino.  Kami ay nagpapasalamat sa aming guro na si Ginoong Marvin A. Dawisan dahil maganda ang naidulot ng proyektong ito sa aming lahat. Hindi naging madali sa amin na tuparin ang aming hangarin na magawa ito, subalit dahil sa malaking hamon, ito ang naging daan upang kami ay magsumikap, gumawa, at mag-isip upang maging maayos, kaakit-akit at makabuluhan ang “blog” na ito. Nawa ay maging kapaki-pakinabang ang mga impormasyong makikita ninyo rito at maging hamon din sa atin na tangkilikin ang ating magagandang tanawin upang makatulong tayo sa pag-unlad ng turismo ng ating bansa.

UNANG BAHAGI: IGUHIT MO AKO

Ang bahaging ito ay ang unang parte ng aming proyekto sa Filipino. Makikita rito ang ilan sa mga kilalang pasyalan sa Antipolo.

Ang mga larawan na makikita rito ay ilan sa mga sikat na pasyalan o tanawin sa Antipolo. Ang nasa kaliwang bahagi sa itaas ay ang Hinulugang Taktak samantalang ang nasa kanan naman nito ay ang Via Dolorosa. Ang nasa ibabang bahagi naman ay ang PACEM Eco Park at ang nasa kanang bahagi ay ang Pinto Art Gallery. Iyan ay ilan lamang sa napakaraming lugar na mapupuntahan sa Antipolo. 

DOKUMENTARYO SA PAGGAWA

IKALAWANG BAHAGI: ISANG PRESENTASYON

Itong bahagi naman ay ang pangalawang parte ng aming proyekto. Ipinapakita sa presentasyong ito ang ilan pa sa mga magagandang pasyalan sa Antipolo. Pinapakita dito na totoong napakaganda ng Antipolo at ito'y magandang bisitahin.

UPANG MAKITA ANG AMING PRESENTASYON, PINDUTIN ANG LINK NA NASA IBABA:

http://www.slideshare.net/jacinthflores27/group-3-antipolo

IKATLONG BAHAGI: HALINA'T MAMASYAL

Sa bahagi namang ito ay pinagawa kami ng isang "travel brochure" upang lalo naming mapalaganap at mapag-aralan ang turismo sa Antipolo.

                                               

IKAAPAT NA BAHAGI: ISANG PATALASTAS

Ito ang ikaapat na bahagi ng aming proyekto at dito ay gumawa kami ng infomercial na nanghihikayat sa mga tao na bisitahin ang mga magagandang lugar na ito.

IKALIMANG BAHAGI: MALIGAYANG PAGLALAKBAY

Mystical Cave

Para sa amin, ang Mystical Cave ang isa sa mga magagandang tanawin dito sa Antipolo. Ito ay pinananatili sa pamamagitan ni Inday Nelly. Si Inday Nelly ang nakadiskubre ng kuwebang ito at ito ay nadiskubre niya noong siya’y sampung taong gulang lamang. Maaari mong makita dito ang mga relihiyoso at banal na estalagmita at estalaktita na nabuo sa pamamagitan ng tubig. Ang tubig at bato sa loob ng kuweba ay sinasabi na maaaring magpagaling ng mga may sakit na tao at maaaring protektahan sila mula sa pinsala. Ang lugar na ito ay relihiyoso, dahil sa ang mga bato na bumubuo ng iba't ibang mga imahe ni Hesus, sina Adan at Eba, taga-Nasaret, Pieta, San Pedro, St Bernadette at marami pa.  Nakakamangha ang mga makikitang estalagmita at estalaktita sa loob nito lalo na't ito'y kumikinang.

DIREKSYON PAPUNTANG MYSTICAL CAVE

Antipolo Cathedral

Totoong napakaganda sa Antipolo Cathedral.  Ito ay tahanan ng kilalang mapaghimalang imahe ng Antipolo, ang Our Lady of Peace and Good  Voyage  (Nuestra Señora de la Paz Y Buenviaje). Karaniwang ginagawa ng mga taong may bagong sasakyan ang magpabasbas dito upang masiguro ang kaligtasan at kaayusan sa paglalakbay. Sa himig ng mga katutubong awitin ang mga tao ay tumutungo rito upang matamasa o maranasan ang mapaghimalang Our Lady of Peace and Good Voyage at pangalawa, ay upang makaiwas sa sobrang init, polusyon, alikabok at malanghap ang malamig na simoy ng hangin.

DIREKSYON PAPUNTANG ANTIPOLO CATHEDRAL

Hinulugang Taktak

Ang Hinulugang Taktak ay isang talon na matatagpuan sa lalawigan ng Rizal . Noong 1990, ang talon ay ipinahayag bilang isang  makasaysayang  lugar sa ilalim ng Republic Act No 6964 . Ang kasaysayan ng Hinulugan Taktak ay mayaman at makulay tulad ng lugar ng Antipolo.  Sa ngayon, ito ay sarado pa sa publiko dahil ito'y pinapaganda at inaayos upang mas maging kaakit-akit hindi lamang sa mga turista kundi sa mga mamamayan ng Antipolo. Ginagawan din ng paraan ang mga taong nakatira malapit sa talon na mailipat ng ibang tirahan upang mapanatiling malinis ang tubig na dumadaloy mula sa talon.

DIREKSYON PAPUNTANG HINULUGANG TAKTAK

Camp Tipolo Adventureland

Ang kampong ito ay matatagpuan sa Loreland Farm Resort, isang 11- ektaryang malawak na lupain na  nagkakaloob ng kumportableng akomodasyon, masasarap na pagkain, parke at mga paliguang nakapagbibigay ng magandang karanasan upang makarelaks. Ang kanilang pangunaging layunin ay makapagbigay saya at mahusay na serbisyo sa mga taong bumibisita rito. Isang lugar kung saan maaaring gumawa, magpahinga, maglaro, bumuo ng magandang relasyon, matutunan ang pakikipagkaibigan, pagtutulungan, at magandang komunikasyon.

DIREKSYON PAPUNTANG CAMP TIPOLO ADVENTURELAND

 Pinto Gallery

Ang Pinto Art Gallery ay isang kontemporaryong kalawakan ng sining. Ang pangalang ito ay mula sa salitang pinto, ito ay nagbubukas ng pagkakataon o oportunidad sa lahat ng uri o anyo ng kasanayang pangsining. Ang istrakturang ito ay itinayo noong 2001 bilang imbakan ng mga gawang pangsining, ngunit sa kalaunan ito ay naging isang lugar eksibisyon para sa moderno at kontemporaryong sining.

DIREKSYON PAPUNTANG PINTO ART GALLERY

Via Dolorosa

Ang Via Dolorosa ay isang lugar sa Antipolo na kadalasang pinupuntahan  ng mga Katoliko tuwing Mahal na Araw. Sa lugar na ito maaaring magdasal o manalangin at magbalik tanaw sa paghihirap ni Kristo sa krus ng kalbaryo. Makikita rin dito ang mga pinta ng mga apostol at pagpako kay Kristo sa krus, magandang hardin at mga ibon. Napakagandang lugar ng pakikipagniig sa Diyos at pagninilay-nilay lalo kung panahon ng Mahal na Araw.

DIREKSYON PAPUNTANG VIA DOLOROSA

BOSO-BOSO CHURCH

Ang Boso-Boso Church ay matatagpuan sa baranggay San Jose. Ito ay itinayo noong 16^th century at nasira noong ikalawang digmaang pandaigdig. Ito ay nakatayo sa isang matibay at lumang bato na napapalibutan ng mga halaman sa ibabaw nito. Ito rin ay itinayo upang magsilbi o magserbisyo sa mga taong pumupunta rito.

DIREKSYON PAPUNTANG BOSO-BOSO CHURCH

YNARES CENTER

Ang Ynares Center ay isang napakalawak at napakalaking lugar na matatagpuan sa Antipolo. Ito ay itinayo sa limang ektaryang lupain at nagkakahalagang P350 milyong piso. Dito ginaganap ang malalaking palatuntunan ng lungsod, konsiyerto at PBA games. Dito rin ginanap ang ilang internasyonal na kaganapan tulad ng FIBA Asia Champions Cup. Noong Hunyo 2000,  ditto ginanap ang “Jubilee Year Celebration” ng mga simbahang Katoliko at dinaluhan ito ni Archbishop Jaime Cardinal Sin at Archbishop Antonio Franco. Noong 2005, dito rin ginanap ang“National Eucharistic and Marian Year”kung saan ang pangunahing tagapagsalita at ang yumaong Cory Aquino at Bishop Teodoro Bacani. Ang lugar ding ito ay tahanan ng mga selebrasyon ng iba’t-ibang gawain at aktibidad ng buong lungsod.

DIREKSYON PAPUNTA SA YNARES CENTER